講真最近見到正價貨完全提不起購買慾，事關到了這減價季節，怎會擔心買不到平貨。衫褲鞋襪以外，最近還有不少化妝品、護膚品牌子排住隊搞開倉。今次介紹MaryQuant和MODELCO.三折益街坊，放心，當中很多夏天妝物，女士們記緊帶個Size夠大的ShoppingBag去掃貨喇！
記者：葉雪芯
攝影：楊錦文
Model：Macy@Puremodel
MQ胭脂眼影半價
今期開倉大特賣的HCLGroup將旗下王牌統統推出來大割價，當中必要數英倫品牌MaryQuant，雖然MQ年紀已經六十有一，但每年推出的各種妝物依然十分青春，不單止得到㗎妹歡心，就連一眾港女都很捧場。今次減價貨大多由半價起步，部份更低至三折，其中當然少不了招牌貨品之一的胭脂和眼影，大部份均是夏天大熱顏色，如檸檬黃、湖水藍、桃紅等搶眼到爆的顏色統統半價出售。眼部妝物方面，還有EyeLiner、睫毛膏等，當然不能不提港女最愛的LipGloss，全部由半價起，唔買走寶！
古銅噴霧一百有找
澳洲品牌MODELCO.今次都加入減價戰團，減價貨中，除各種彩妝用品之外，最值得留意的是有夏季必Hit的Bronze、Tanning用品，全部二折起發售！個人認為當中最抵買的是瞬間古銅噴霧，慕絲質地夠柔滑，噴上後亦很易均勻推開，即噴即變古銅色，用後只要用卸妝液抹除即可，啱晒怕煩又想快手變古銅美人的女士們，原價三百二，家陣一百蚊有找；仲有古銅裝必備的BronzeCompactPowder，同樣搶手。
開倉資料：
日期：即日起至6月28日
時間：11am-8pm
地址：觀塘開源道63號福昌大廈6樓611室（買滿$500可使用VISA或MASTER信用卡付款）（請自備購物袋）
查詢：27389888