汪明荃（阿姐）、何韻詩、鄧梓峰、吳卓羲和陳山聰等，昨日在無綫將軍澳電視廣播城出席處境劇《女王辦公室》開廠拜神。雖然有向來守時的阿姐在場，阿詩卻遲到20分鐘，令拜神儀式都被迫推遲，阿姐甫見阿詩便問：「你今日唔使開廠呀？」阿詩如實回答不用開廠。
「好似兩母女」
阿詩賣口乖讚阿姐身形弗，阿詩說：「我同阿姐真係好似兩母女咁。」莫非要暗示阿姐老？阿詩說：「咁阿姐同我喺戲度係做兩母女吖嘛，阿姐有煲湯畀我飲，我送番啲護膚品畀阿姐，我連阿姐隻狗仔都錫埋，我送咗啲狗糧畀阿姐。」
有指阿姐向無綫要求每天只開工12小時，阿姐寸爆回應：「我自己啲通告好密，一日點只12小時呀，我從來冇要求過要幾多小時工作，冇所謂啦，我諗唔會太辛苦，我年紀大捱得啩。」
採訪：王崇穎
攝影：黃曉程