世銀話全球經濟衰退加深，花旗股市即刻腳軟，前晚道指就跌咗200點收市，不過股市嘅嘢不進則退，道指喺9000關前遲遲升唔破，借消息炒落其實好正常。
花旗股市跌咁多，港股梗冇運行，恒指收市唔見521點，不過，17000關料會守得穩。聯儲局連續兩日議息，應該冇變動，會後聲明會係市場焦點，大家要留意吓。
中煤C輪15234：中煤（1898）昨收8.41元，跌5.1%，股價下試50日線之後靠穩，以十字星收市，成交縮減，係伺機反彈嘅形態，反彈先試9.50元，可以諗吓隻C輪15234。
隻輪現價14仙，2009年11月20日到期，行使價9.38元，溢價28.1%，引伸波幅81.1%，槓桿率6倍（有效3.1倍），正股升上9.50元，15234睇20.2仙，正股跌穿7.90元，就沽咗隻輪止蝕。
俊樺