紐卡素呢支億萬大軍來季要由英超降至英冠比賽，已經夠晒慘情啦，唔知係唔係A字品牌體育用品公司同佢哋開玩笑，竟然幫紐記喺新一季整咗件橙色嘅間條作客波衫（圖），真係慘上加橙。新波衫售價30鎊（約380港元）至45鎊（約570港元）不等，7月23日就會公開發售，家上網預訂更有8折優惠；冇法啦，紐記嚟緊一季要踢英冠已經聲勢大跌，件波衫設計又誇張成咁，唔減價又點去貨呢！