陪伴中芯國際（981）度過9年寒冬嘅王陽元，噚日辭任董事長兼獨立非執行董事，原因係作為一個資深科學家，佢希望有更多時間專注研究同埋教學。之不過，佢仍然會掛住中芯榮譽董事長同首席科學顧問兩個銜頭。
查實王陽元年屆74歲，退落嚟做自己喜歡嘅事亦好應該，佢喺半導體行業打滾咗超過40年，地位崇高，若果佢再執教鞭，發掘更加多人才畀中芯，拉差距，咁樣公司或者可以快啲扭虧為盈，唔使搞到上市以嚟一路坐艇嘅小股東失望嘛！
上海市政協常委接棒
至於接替董事長一職嘅係獨立非執董江上舟，比王陽元後生12年，家係上海市政協常委，唔知會唔會幫中芯手，帶嚟更多關懷同照料呢？