金融海嘯揮之不去，連特首都要減薪，不過凡事向好看，飲食原來跟投資一樣，可以「趁低吸納」，打工仔人工縮水，同時不少名牌食店一樣將最低消費直線下調，在MEGU食個Tea，$100便可落樓，此情此景，海嘯之前實在難以想像。
記者︰黃家欣
攝影︰楊錦文
模特兒︰CherryTsoi@PureModels
平民價嘆頂級三文魚乾
紐約最著名的日本料理MEGU，就連荷李活巨星連湯告魯斯、畢彼特等亦是其座上客，2007年進駐圓方時，更豪花三千萬來裝修，極具華麗氣派，標榜由日本進口的高質量食材，與創意十足的美食，今次推出$48小吃，亦拒絕將貨就價，為保MEGU的金漆招牌，不惜工本。只要於MEGU的戶外座位享用下午茶，即可以平民價$48一嘗星級小食，包括5款全新由日本搜羅回來的新奇小吃，北海道海產乾為最佳的佐酒小吃，甜中帶鹹的帶子裙邊，煙韌香口，口感像魷魚絲，卻來得更幼滑，三文魚被製成通透的魚乾，吃時有咬口，且帶濃郁鹹香。另外還有3款從原有餐牌精選出來的小吃，其中炸澳洲和牛鵝肝丸，更用上法國鵝肝釀入免治澳洲和牛肉球內，先以慢火蒸熟，再沾上秘製醬油與柚子皮絲同炸，吃時外層香脆，肉汁飽滿，牛香與鵝肝香香氣四溢，滋味無窮。除美食之外，多款MEGU特色飲品同樣以$48供應，除紅、白酒外，就連招牌SakeCocktail亦包括在內。
炸澳洲和牛鵝肝丸$45/2粒（前）、SakeMargarita$48（後）
和牛丸外層煙韌帶脆，一咬下醬汁四溢，牛味香濃，鵝肝雖少，但香味十足。
日本淮山配芝麻$48（前）、ChocolateLovers$48（後）
日本淮山即牛蒡，口感爽脆，以秘製醬油炒香，加入蘿蔔絲及芝麻等，更為香口。
帶子裙邊乾及三文魚乾$48（前）、SakeSunrise$48（後）
北海道入口的海產乾，三文魚乾鹹香十足，而帶子裙邊則帶一份清甜，一食即上癮，佐酒一流！
脆炸芝麻雞片$48（前）、HoneyMoon$48（後）
選用宮崎走地雞，肉質富彈性，以芝麻炸香，份外香脆，口感豐富。
MEGU（37431421）
地址︰尖沙嘴柯士甸道西1號九龍站圓方廣場R002-003號舖
時間︰12nn-12am
$180法國皇室滋味煙鱘魚
具有逾80年歷史的法國老牌魚子醬餐廳CaviarKaspia，去年底首度開分店便選址香港中環，帶來逾四千元一匙的矜貴魚子醬，叫人大開眼界，今次則收起價值連城的魚子醬，卻以英式下午茶的形式，將老店招牌煙熏鱘魚、頂級鵝肝醬、以級皇室御用的西班牙黑豬火腿等精華美食，一一放到兩層的層架之上，價錢絕對喜出望外，每位只係$180！煙熏三文魚、罕見的煙鱘魚及鰻魚，全部來自Kaspia法國的煙熏工場，以柴火及秘製香料製作，味道獨一無二，鰻魚肉色通透，肉質軟腍帶嚼勁，鹹香十足。Kaspia的用料講究，食譜亦是跟足法國老店做法，就連一杯EarlGrey茶亦是來自法國，香氣濃郁，入口順滑，簡直是皇室享受。
前排左起：鵝肝醬伴Brioche、煙鰻魚伴RyeBread、煙三文魚伴Blini。後排左起：西班牙黑毛豬火腿蘆笋卷、煙鱘魚伴青瓜、蟹肉泡芙。
前排左起：朱古力、紅莓朱古力酥、橙酒浸Babas。後排左起：可可杏仁曲奇、白朱古力、榛子Dacquoise。
提子鬆餅
鬆餅塗上來自法國的果醬，牛油香氣十足，果味清甜。
CaviarKaspia（29051960）
地址︰中環置地廣場2樓237號舖
時間︰3pm-6pm
