新股熱炒，首日掛牌上市的中金再生（773）及興利香港（396）分別較招股價高22%及39%，收報6.32元與1.42元。
大市近日每逢見抽上18200以上即見沽壓，反映唔少投資者都想趁高減磅。另外，投資者轉炒新股，反映股市運行至此，各板塊暫未有太多可供追捧對象，既然資金一窩蜂轉攻新股，大市點創新高。
抽新股霸王有得諗
新股陸續有來，邊隻有得諗？星俠一向甚少抽新股，不過，家陣資金成本平，用孖展方式去抽係方法之一，但最驚個市忽然唔就，所以抽新股唔係冇風險。主觀覺得霸王(1338)或者有得諗，起碼目前市場上同類股唔多。
騰訊（700）自3月初展開升浪以來，走勢一浪高於一浪，昨更乘大市上升，創出92.90元新高，可惜臨尾卻倒跌1.8%，收88.90元，雖然仍企在10日線之上，但有短期見頂迹象。
坊間有睇法認為騰訊將晉身「紅底股」，估計短線即使目標可達，好可能亦係一閃即逝，想高沽就要好好把握。
方星俠