綽號「小飛俠」嘅now新聞女主播林燕玲上個月被《壹週刊》踢爆同龔耀輝（筆名方卓如）爆房後，即時放長假，八方聽聞小飛俠噚日已低調復工，不過暫時唔會出鏡報新聞，亦唔會做主持，上司安排佢退居幕後做編輯工作。
呢段「隔離」期幾長，now中人都話唔知道，但估計fans短期內冇機會在螢幕前欣賞小飛俠風采；另有消息指雖然小飛俠鬧出緋聞，不過仍然獲上頭器重，所以雖然不做女主播，但都唔使減人工或受到處分，話唔定待事件平息，就可以再同觀眾見面。至於男主角龔耀輝，繼續在《信報》寫專欄，有傳佢已同太太分居，會否同小飛俠開花結果，當事人心中有數。