劉鑾雄（大劉）前日父親節同呂麗君及兩名女兒秀融及秀盈到福臨門午膳，夜晚又再出動，繼續幫襯福臨門。傍晚6點幾，佢同呂麗君及大女秀融出現，但唔見二女秀盈，只見秀融一臉病容，攝氏30幾度仍然着住長袖中褸，大劉細心扶佢落車，仲同現場記者講：「唔該。」示意記者讓路畀佢同秀融，佢哋用膳一個鐘頭後，攞住打包食物離開。