上禮拜港股氣氛轉淡，轉過頭噚日又造番好啲，恒指報收18059，升138點，技術走勢靚番，不過成交唔算大，仲要睇多一兩日先會較為明朗。
有資金流入港股固然係好消息，不過花旗股市走勢未明朗，下個禮拜一又係港股期指結算，現水平指數同上個月底差唔多，好淡雙方都冇明顯嘅優勢，家入市短炒只宜細細注。
滙控C輪15633：滙控（005）昨收66.55元，跌1個位。股價由5月頭到家大部份時間喺65至70元之間上落，睇動靜有機會突破70元再試75元，可以諗吓隻C輪15633。
隻輪現價7仙，2010年1月21日到期，行使價72.222元，溢價18.43%，引伸波幅44.1%，槓桿率10.5倍（有效4.7倍），正股升上75元，15633睇11.7仙，正股跌穿63元，就沽咗隻輪止蝕。
俊樺