渣打集團（2888）前任主席戴維思棄官從商，接任佢嘅暫代主席JohnPeace就話，如果搵到繼任人，佢即閃。因乜事咁趕？事緣身兼Burberry同埋Experian主席嘅Peace不知幾有市場，前幾個月先話英國衞報集團向佢埋手，搵佢做主席，啱啱《星期日泰晤士報》又報道，英國大型超級市場集團Sainsburry嘅主席侯選人，Peace一樣在考慮之列。
Sainsburry係英國大型超市集團之一，估值56億英鎊，下個月15日就會召開股東大會，希望以年薪39.6萬英鎊，招攬人才出任主席。
據渣打08年報指暫代主席Peace基本袍金為65萬英鎊，Sainsburry出手似乎未夠闊綽喎！除咗Peace，報道話ThomsonReuters副主席同樣係Sainsburry主席候選人。