容祖兒與古巨基前晚到無綫電視廣播城演出《勁歌金曲》，剛歡度生日的祖兒表示今年是最後一個2字頭生日，她希望不久將來有機會與新加盟唱片公司的基仔合唱及合拍新戲，她說：「我細細個就睇佢嗰套《求戀期》，我想同佢一齊拍喜劇！」
容祖兒、古巨基、王祖藍以及台灣組合蘇打綠，前晚到無綫電視廣播城錄影《勁歌金曲》，祖兒的《搜神記》成為本周冠軍歌。祖兒表示希望不久將來有機會與新加盟唱片公司的基仔合唱，又想於電影上合作，她說：「我細細個就睇佢嗰套《求戀期》，我想同佢一齊拍喜劇，另外我最想同劉青雲一齊拍戲。」
寫真待39歲先拍
祖兒的29歲生日剛過去，她考慮開生日派對與朋友狂歡一番，她說：「今年係我最後一個2字頭生日啦，所以都想開party慶祝一吓。」問到祖兒有否打算推出寫真集作紀念？她笑言：「等我諗吓先啦，我家想出書多啲，想出一本講美容養生嘅書。至於寫真集可能等到我39歲時，如果到時仲有29歲嘅身形，咁先考慮出寫真啦。」
此外，祖兒昨日以榮譽太陽大使身份到油麻地，出席《太陽計劃2009曬太陽》，她與一眾新人一同落場打波。
基仔冇再搵Paco
至於基仔同樣表示想與祖兒有合唱機會，對於王傑早前批評《勁歌金曲》沒有足夠時間讓歌手表演，基仔則認為無綫還有其他節目讓歌手演出。
提到日前基仔與梁漢文（Edmond）於成都出席頒獎禮時面左左，基仔強調與Edmond再見面沒有尷尬，他亦有與他打招呼，基仔說：「嗰張相我同Edmond中間隔咗阿Sa（蔡卓妍）同Janice（衞蘭），我哋都係一齊望住鏡頭，咁不如話我哋四個貌合神離，總之香港歌手成日見面，大家見到都會問候大家。」再問基仔最近有否與前經理人黃柏高（Paco）聯絡？他說：「我未有機會搵佢，轉會時都有同佢聯絡，我會打去問候吓佢。」
採訪：王崇穎、胡比
攝影：陳順祺、仇志德