上個禮拜港股表現麻麻，恒指先後跌穿10日及20日線，連跌4日嘅走勢令市場氣氛變淡，不過，上周五港股回升，形態靠穩，當晚花旗股市冇乜大變化，希望港股可以借勢推返上18000關樓上。
A股過去兩日好有勢，港股炒唔炒得返上去，A股嘅表現都好關鍵，內銀股應該仲會反覆炒上。
中鐵C輪16120：中鐵（390）上周五報收5.99元，升2.9%。股價早排升過上6.88元，現價調整幅度不小，股價啱啱喺50日線彈返上嚟，成交大增，升勢應該唔會咁短癮，若突破6.30元，有機試7.20元，可以諗吓隻C輪16120。
隻輪現價15.9仙，2010年9月29日到期，行使價6元，溢價26.7%，引伸波幅58.3%，槓桿率3.7倍（有效2.4倍），正股升上7.20元，16120睇24.2仙，正股跌穿5.50元，就沽咗隻輪止蝕。
俊樺