張敬軒及薛凱琪（Fiona）昨日聯同陳偉霆（William）、鄧紫棋（G.E.M）、泳兒等，到油麻地出席「太陽計劃2009曬太陽」。當中William被編排與Fiona一隊、G.E.M與泳兒一隊，前者被主持取笑為長頸鹿隊，後者為小矮人隊。
玩制服誘惑
軒仔表示父親節因有工作在身未能與父親慶祝，他希望其父變乖，他說：「佢好頑皮，叫佢唔好做嘅事佢就做晒。今年我送咗支機關槍畀佢，不過冇畀BB彈佢。阿媽話佢日日砌支槍出嚟對住個床頭，佢有時會制服誘惑。」而Fiona指近日又要拍戲又要錄音，連提款的時間都沒有，故此今年是第一年沒有買禮物給父親。
William對於女友Angelababy早前被指整容，他力撐說：「我自己15歲箍牙個面形都唔同啦，當時都俾人話整容，佢冇同我呻過呀。」
採訪：胡比
攝影：仇志德