任達華、琦琦和任賢齊前晚在金鐘出席Omega酒會，任達華一到場就頻呼驚驚，原來他的囡囡Ella近日參加兒童話劇班，有兩個同學仔染上豬流感，華仔說：「我嗰日特登請兩個鐘頭假準備去睇佢哋，由屯門揸車出去，聽到琦琦打電話講咗豬流感三個字就斷咗線，半個鐘都搵佢唔到，嚇死我，後來先知係同學染病，我見番個女，即刻畀佢飲維他命Ｃ，增強抵抗力。」
琦琦做阿三
華仔謂會和囡囡改去空曠地方玩，父親節會去番禺野生動物園，暑假則可能去北京。琦琦透露囡囡送了大堆朱古力、即食麪和銀包等給華仔做父親節禮物，她說：「Ella最錫爹哋，我喺屋企只係排第三，第二係公公婆婆，不過我唔會呷醋。」
採訪：梁錦雯
攝影：陳俊強