慶祝創報14周年真係喜事重重，《蘋果》噚日又攞獎。消委會嘅消費權益新聞報道獎，轉眼已經係第九屆，呢個比賽年年都有數以百計作品參賽，反映本地傳媒好關注市民消費權益，而近年越嚟越注視產品安全，本報今次獲獎，其中兩項都係同產品安全有關。
比賽分五組，喺報紙傳媒三個組別中，《蘋果》奪得三個獎：委託檢測中心化驗顯示香港蒙牛、雀巢產品含三聚氰胺，得到新聞組銀獎，得獎記者白琳、袁慧妍、梁瑞琼；公廁大卷廁紙含菌爆燈獲優異獎，白琳、梁德倫得獎；新聞攝影組優異獎由攝影記者孔慶初作品「追討缺監管迷債」奪得。八方恭喜各位同事同其他得獎行家，希望大家繼續努力為市民爭取消費權益。