今年12位香港先生經過兩輪面試後終於有定案，大熱「大隻王貽興」阿Jim順利入圍，同樣外形較為討好的「嫩版必文」吳雲甫，其禮貌明顯有待加強。昨日更出現兩位海外參賽者，雖然較去年遜色，但相比今年10位香港小姐，總算飲得杯落。
新一屆12位準香港先生昨日齊齊到將軍澳電視廣播城，大會安排眾男抽號碼及會見形象、化妝指導，務求令12位準香港先生於下周一正式會見傳媒時四四正正。未知是否眾人已知道入圍，故昨日出場時未見任何騎呢動作，衣着也較為保守，兩次面試時均以背心及騎呢動作出位的「藍底向佑」，竟一本正經穿上長袖恤衫到場，對記者的提問更未有任何回應。
兩來自加國
由於其中8位準香港先生昨日齊齊到場上車，當問到外貌較為突出、酷似《巾幗梟雄》中扮演蔣必文的敖嘉年的吳雲甫（Aurelien）是否事先約好時，他竟然十分寸嘴說：「梗係唔係喇，撞到㗎，咁你哋係咪約埋呀？」充份表現出其無禮的一面。被指為「大隻王貽興」的阿Jim同樣未有大騷身材，顯得更十分含蓄。雖然今年香港先生的質素相比往年遜色，未見出現如去年盛年組冠軍得主朱允崇般，但至少依然有數位揀得落手，總比10位準港姐略勝一籌。
12位當中更有兩位來自多倫多的參賽者，分別為林建邦（Dominic）及呂庭鋒（Raymond），兩人相比去年的海外參賽者明顯較為遜色，身為大會統籌的何小慧亦直認不諱說：「上年太好啫，都OK㗎。」
冇話唔畀摸
Raymond昨日甫下機即趕到電視城，問到何小慧會否擔心豬流感時，她說：「佢都話喺機上都有戴口罩，唔使隔離，咁我哋都有提佢小心啲。」此外，對於有報道指今年香港先生選舉當日禁止女士們與參賽者接觸，何小慧說：「冇刻意話唔畀接觸，我哋會叫參賽者唔好作不雅動作。」
採訪：王崇穎、卓寶花
攝影：陳順禎、葉君海
