蔡依林（Jolin）、古天樂、羅志祥（小豬）、韓星李準基同SuperJunior-M（SJ-M）等12位百事代言人，早前難得齊人到泰國拍新廣告，今次百事方面相當落本，拉隊到泰國郊區拍攝，仲包咗成個度假村酒店做大本營。
除咗有咁靚嘅環境休息之外，大會仲喺酒店安排咗個休息玩樂區，畀古仔同小豬對打遊戲機，李準基就打羽毛球、SJ-M就幾乎所有玩意都玩盡，隊長韓庚話：「平時工作排到很滿，根本沒私人時間，難得可以這樣玩，只要有得玩就不怕累。」
代言人中唯一嘅女仔Jolin慘成古仔同小豬嘅玩弄對象，Jolin大發嬌嗲話：「其中一場要我們站在貨車上拍，他們明知我畏高，還作狀推我下去。」
偕周杰倫上海營商
拍攝期間，適逢係SJ-M成員嘅韓庚同圭賢嘅生日，現場有過百人同佢哋慶祝。
另外，Jolin之前以Mr.Q為名喺台灣開咗間甜品店，周杰倫就開咗間Mr.J餐廳，兩間舖頭仲喺隔籬，聯手一齊發展愛情同生意事業。雖然佢哋家分咗手，不過呢對過氣情侶私底下關係幾好，有消息話佢哋喺上海開公司，仲會喺呢個月開張，不過係乜公司就冇詳細講到，佢哋做唔成情人，一齊拍住搵錢都唔錯喎！
