詹瑞文的舞台劇一向諷刺時弊，夭心夭肺，將最新鮮熱辣的話題變成劇情。阿詹前晚於文化中心上演的「港女發狂之港男發瘟」，劇中對白提到最近hit爆全城的梁洛施、李長治、陳振聰等，當中他扮演港媽教女揀男朋友一幕形神俱似，引來台下觀眾報以熱烈掌聲，爆笑位源源不絕。
－4大爆笑位－
1.挑男友危機多
阿詹反串扮演港媽教女兒如何揀男友，她說：「阿女，你想搵乜嘢老公呀？教師唔好呀，專搞啲10幾歲，會坐監，一陣連累我呀。金融投資又有海嘯，飛機師又會放飛機。」此時女兒反問港媽說：「咁搵個有錢唔使做㗎啦。」港媽贊同並說：「即係搵個陳振聰呀？乜都學埋，你似足麥玲玲，要唔要挖個風水洞呀？」
2.老公爛滾爆粗
港媽與女兒港女閒聊，提起丈夫在外搞三搞四，她一邊看八卦雜誌一邊與女兒說：「我老公去搞女人，我對佢都冇寄望啦，你睇吓你老竇同邊個女人搞埋。」此時港媽看到雜誌其中一頁突然激動起來說：「八婆，我吼X咗你好耐啦。」之後知自己失言即時掩嘴。
3.乸型講舊笑話
阿詹化身成為乸型設計師教授學生儀態，當中不忘大搞爛gag，他指摘學生走路姿勢不正確，他說：「你行到好似童子軍，scoutfingfing，你一係去學吓跳彈床啦，咁你到時就scout彈彈。」
4.嘲富商玩名模
及後阿詹扮演超級富豪一角，諷刺圈中女星及model，他致電一位名模時說：「AmandaZ.，我家畀5億你，你即刻同我過嚟。」之後超級富豪於洽談生意時講了不少港式英語，他更大講諧音粗口，到成功傾成一宗生意時大說：「Idealyou.」
採訪：魯萍
