所謂「跟紅頂白」，侯斯頓戴拿模近況極佳，周六的美職聯迎戰實力平平的皇家鹽湖城，實在難唱反調要鹽湖城，戴拿模單W有1.52倍，雖熱，但勝在穩陣。
侯斯頓戴拿模雖有射手程拜仁因傷上陣成疑，而中場列卡度奇勒又要代表美國踢洲際國家盃而缺陣，但球隊近況奇佳，近9場8勝，眾攻擊球員如甘韋化及賀頓等都不時有入球，加上球隊迎戰鹽湖城往績又好，近6次迎戰共取得5勝1和，今役實在難尋敗理。鹽湖城雖然亦有前鋒摩域斯恩腳風頗順，可惜球隊近況麻麻，近9場僅1勝，加上作客表現又不及主場，戴拿模單W穩。
至於衞冕的哥倫布機員，經季初一輪低沉後，近況已回升，近9場不敗之餘，近6場更4勝，特別是阿根廷前鋒舒洛圖入球停不了，近4場共入了5球，到訪有後衞丹尼爾托利斯、門將沙拉、後衞史堤夫佩迪及中場艾華路山齊士等因傷缺陣的FC達拉斯，平手盤值博。
吾中
混合過關
星期六33哥倫布機員（平）x
星期六34侯斯頓戴拿模勝（1.52）2x1