豬流感爆發，搞到小學生畢業禮都可能被迫取消，畢業宿營亦要撻定，不過做埋今個月就唔做嘅油麻地天主教學校（海泓道）校長張志鴻就冇有怕，校友會為佢舉行100圍酒席歡送晚宴如期舉行，啲餐券仲一早沽清！
張校長話已邀請教育局副秘書長葉曾翠卿及多位教育界友好出席，但為免大家食完呢餐齊齊中招，已預備口罩同消毒洗手劑，來賓食得開心，玩得高興。
剛剛60歲嘅張校長從事教育工作近40年，在油天12年，佢話工作多年原本想正式退休，點知今個月保良局香港道教聯合會圓玄小學誠邀請佢做校長，佢覺得新工作有挑戰性又好有意義，所以決定做多兩年先退休。