星期日係父親節，亦係社民連硬撼民建聯大日子，灣仔鵝頸區補選，社民連季詩傑單挑民建聯鍾嘉敏，雖然鍾嘉敏佔盡天時地利，不過一日未點票，都未知勝負，公民黨陳淑莊Tanya在該區有一定支持度，所以連續兩日落區幫手拉票，助阿季一臂之力。
Tanya本身係中西區區議員，不過去到灣仔亦有唔少fans，佢話有路經司機見到佢在派單張，特別停車同佢打招呼，令佢喜出望外。成為Van界女神，真係估佢唔到。
社民連最後動員，今晚7點半在時代廣場舉行造勢大會，據聞召集到唔少紅衫軍撐場，至於擬邀請前區議員李繼雄站台過票嘅如意算盤未必打得響，據講露面機會好低，民建聯應該鬆一口氣。