中國人重視命名，所以首富為男孫改名要查《辭海》，上環西港城外有塊空地，近年劃作假日行人專區，大時大節會舉辦社區活動，非正式有個名叫上環坊，中西區區議會近日決定將呢處正名為「上環文化廣場」，希望增添區內文化氣息。
街頭巷尾一處空地，忽然稱作「廣場」，唔少人都不以為然，覺得太過作大，由於坊、荒同音，有消息指可能有人嫌喚作「上環荒」唔好意頭，亦顯示唔到上環區氣勢，所以提出改名。
八方聽聞有人更想邀請對中西區「有貢獻人士」在上環文化廣場打手印，好似星光大道咁留下大名，至於誰是有貢獻人士，呢個問題唔簡單，有人覺得區議會主席有份，咁西環中聯辦諸公又算唔算呢？佢哋唔只貢獻中西區，功在家國㖭噃。