由張達明及焦媛演出的棟篤笑歌舞喜劇《容易受傷的女人》前晚於上環公演，白韻琴、谷德昭、黃百鳴及尹子維等到場欣賞。白姐姐覺得大劉劉鑾雄將東英大廈重建後命名為「TheONE」，是出於男人的好勝心，她更認為有競爭才馨香。
大劉劉鑾雄日前將東英大廈重建項目命名為「TheONE」，擺明向明日生日的舊愛李嘉欣祝壽。白韻琴前晚到上環欣賞歌舞喜劇《容易受傷的女人》時，就此事發表意見。當記者問白姐姐信不信大劉以此作為賀禮？她反問記者說：「你哋信唔信呀？我覺得就係男人嘅好勝心，你估仲鍾意得咁緊要咩，特別係劉生嘅好勝心。老實講喺身邊就唔馨香，有競爭先馨香，我自己就唔馨香，不過隨時可以變番馨香。」
當記者指嘉欣已貴為許太，大劉此舉是否不是太好？白姐姐又說：「冇乜唔好，劉生都唔係咁專一，我自己就唔信啦，佢鍾意點就點，反而家個女仔要堅守自己崗位，唔係就會做出牆紅杏，大家都係成年人。」
撐長發純品
白姐姐又講到黃長發與三太Karen分手一事，她力撐長發並說：「我信佢係真心，分手好自然，呢個女仔慣咗俾人養，做第三者都冇問題。但係個女人冇收入就會多怨言，係男人都走啦，我覺得個男仔好純品，況且個女人有幾有錢啫。」記者即問白姐姐是否嗒長發糖？她笑言：「佢唔啱我，我鍾意智慧型。」再問白姐姐謝偉俊是否智慧型，她說：「佢排尾，我好多選擇。」此外，到場支持的谷德昭表示早前與周星馳到夜場消遣，在場傾談的女士都是認識的。
採訪：王崇穎
攝影：彭琮然
