好多人投訴的士佬服務態度差，呢行確有唔少司機無乜禮貌意識，短途即黑面、旺區塞車唔願去等，不過事實上仍有不少好Nice嘅司機，發生不愉快事件大多由誤會引致，姑且舉個我幾年前遇過嘅例子。有次車個客去機場，落旗時$195，個客畀$200，我望一望佢，佢又望住我，雙方呆咗幾秒，之後佢落車執嘢走人，但回頭好晦氣咁鬧我：「老奉畀貼士㗎咩！」我當堂恍然大悟，完來佢剛才等找錢。我心平氣和同佢講，「小姐，你兩件行李要收$10，家收少咗你喇。」「吓，係呀？Sorry囉……」
呢個世界，正當你以為人哋負了你時，事實可能偏偏相反，大家平心靜氣攞出嚟拆，誤會自然迎刃而解。
文：黃師傅