名模熊黛林（Lynn）隨時都要保持最佳狀態，除了要在天橋上展豐姿，下月又要拍攝電影《葉問》續集。為了keep住完美肌膚和身段，Lynn內外兼顧，每日花數小時運動、護膚、做homespa和纖體按摩，誓要將自己塑造成百分百amazinggirl。
南京姑娘熊黛林相當愛美，當模特兒的她，為保持最佳狀態，她每天總愛在家homespa，無論磨砂、香氛浴、護膚和纖體，她均很注重。身為~H2O+的纖體代言人，Lynn每天都愛自行做纖體按摩，她說：「我都有水腫同手臂鬆弛嘅狀況，我會行路，行樓梯，最簡單又有效。纖體對女仔嚟講唔可以懶，咁皮膚都要靚，所以我會用啲纖體lotion，我又會保持心境開朗，由內而外咁靚出嚟。」
Lynn認為瘦並不代表美，反而健康和均衡飲食才最重要，Lynn說：「我好注意飲食，唔食油膩嘢，令自己冇肥肉，又唔會生暗瘡，對皮膚好好。纖體嘅女仔可以食多啲水果，但我唔覺得女仔好瘦先叫做靚，我覺得要均勻，可以將你鍾意食嘅水果代替下午茶。」
鼓勵城城保養
人開心自然更漂亮，Lynn笑言很喜歡與人分享好的護膚產品，其緋聞男友郭富城應該少不了吧？她說：「男仔都可以靚，要睇吓佢（城城）會唔會畀咁多時間保養自己，都想佢試吓，我都鍾意男仔皮膚好。」
海鹽系列
Lynn愛在家中進行整套的個人護理，每天花上個多小時，她說：「想皮膚光滑就會做吓磨砂，一個星期做一次，要對自己溫柔啲，唔可以太大力，用啲好香嘅冲凉液，再搽啲精華、lotion，行騷露吓背都靚啲。」
特別針對手臂、腰位和大腿等容易積聚脂肪的位置，配合按摩，能發揮燒脂、排毒、去水腫和纖緊。Lynn每天都會針對手臂的鬆弛位置來回按摩，待精華素吸收，保持完美線條。
牛奶系列
Lynn認為手部的護理不能忽視，她說：「呢隻潤手霜含有牛奶蛋白質，我鍾意搽喺指甲位置，搽好多上去，令雙手更柔軟光滑。」
海洋系列
Lynn夏天愛穿背心短褲，當然要晒靚肌：「夏天皮膚要再靚啲，所以一定要用磨砂同bodylotion，用咗磨砂令到人好relax，皮膚更加光澤。」
含辣椒和生薑等天然根莖果實成份的纖姿水，有助排水排毒，Lynn說：「入口有薑啤味，加啲果汁入去，好味又可以纖體，一舉兩得。」
採訪：LawWaiMan
攝影：MatthewLam 化妝：ZoeFan
髮型：RickyKwokofLeSalon
場地提供：ClubHip（中環巴力大廈）