花旗股市前晚微跌收市，標普調低多間銀行嘅評級，銀行股受壓拖低股市，不過跌幅唔算大。
日股繼續回吐，對港股嘅氣氛有啲影響，不過A股造好，港股喺低位算係頂得住，成交縮到得636億元，市況偏靜。幾隻新股上市，喺家嘅市況會有一定吸引力，如果抽新股嘅股民增加，大市仲會靜多一輪。
中鐵建C輪15137：中鐵建（1186）昨日報收11.54元，升1%。前兩日股價下試50日線之後反彈，噚日已經係連續第3日造好，有機上試1月高位13元，可以諗吓隻C輪15137。
隻輪現價20.4仙，2009年9月30日到期，行使價10元，溢價4.3%，引伸波幅47.6%，槓桿率5.6倍（有效4.2倍），正股升上13元，15137睇32.4仙，有5成升幅，正股跌穿10.96元，就沽咗隻輪止蝕。
俊樺