即將由曼聯轉投皇家馬德里嘅基斯坦奴朗拿度（C朗），早前插朵花喺耳仔度，再配一身粉色貼身造型，俾英國傳媒笑佢似基佬。唔知效力曼聯嘅里奧費迪南平時係咪有同C朗研究點着衫，結果就搞到啲打扮似足C朗。話說里奧費迪南同班朋友去以色列度假，俾英國狗仔隊影到一身充滿「基」味嘅打扮。佢上身嗰件顏色鮮艷、超貼身嘅大領半截背心經已夠頂癮，點知下身仲正，趁條超窄嘅石磨藍牛仔熱褲，望落去真係令人覺得好嘔心，仲俾英國傳媒笑佢係「波叔」（近期戲中作基佬打扮嘅英國諧星）同埋C朗嘅混合體。希望里奧費迪南再冇下次啦！