眾所周知馬勒當拿係小保加系，球員時代當然同死敵河床過唔去，到家陣佢教國家隊，一樣同河床有衝突。佢上任後點兵已經唔多理河床兵，而上星期阿根廷贏烏拉圭1:0場世界盃外圍賽，又將進行比賽嘅河床紀念球場踩到一文不值，鬧人以修草為名，實際上夠膽死噴綠色敷衍了事喎。呢件事令河床高層怒不可遏，向阿根廷足總投訴，阿根廷足總即時道歉。另外，有傳老馬唔用列基美，係因列基美個細佬曾苦纏老馬個女喎。如果老馬凡事都有私心，又真係有問題。