湖人後衞拜恩同騎士前鋒「大帝」勒邦占士，喺NBA總決賽相遇嘅對碰戲碼，今季雖未能上演，但佢地喺場外仍然有排鬥，咪就喺鬥做大忙人囉。事關月初完成口腔手術嘅占士小休兩個星期後，周一重新公開活動，第一站即到訪美國總統府，與高中時嘅隊友參觀白宮，仲同美國總統奧巴馬合照（圖）；之後佢馬不停蹄，周二喺紐約為Spa店舖做開幕嘉賓，真喺忙到爆。之不過奪總決賽MVP嘅拜恩亦不遑多讓，周三喺洛杉磯舉行百萬人嘅冠軍巡遊後，就即刻要上《TonightShow》接受訪問，果然MVP人馬特別忙！