《美女廚房》香港小姐特別版，前晚邀請到佘詩曼、林莉以及陳茵媺擔任嘉賓，阿佘邀請其母協助取得六個評判給十分滿分，佘媽媽還為愛女講說話，指她可以養起自己，以及從未見過鄭嘉穎。
佘詩曼、林莉以及陳茵媺前晚到電視城擔任《美女廚房》香港小姐特別版嘉賓，大會預備了七種材料，包括：臭豆腐、蝦膏、鹹魚、蛋撻、菠蘿油、叉燒以及油炸鬼，要求三人抽出三種材料炮製指定菜式。
陳茵媺臭豆腐似屎
陳茵媺抽中了的臭豆腐所發出的臭味籠罩整個錄影廠，鄭中基試食時更說：「臭到烏蠅都飛埋嚟，食完阿佘煮嘅好嘢就要食屎，人生起伏真係大。」而阿佘請來母親到場協助炮製的夏威夷炒飯，獲六位評判一致給十分滿分。問到佘媽媽會否催阿佘早日結婚？她說：「唔使催，以前要男人養，家可能自己養自己，呢啲隨緣啦，我哋自由度好大，唔干預。」
最後問佘媽媽有否見過愛女的緋聞男友鄭嘉穎以及欣賞過他演出的劇集？她說：「我冇見過佢，我連個女啲劇都少睇。」阿佘表示遇到真命天子才會帶給媽媽過目。
香蕉出局蜜瓜頂上
此外，前晚美味天使的香蕉王淑玲臨時被飛，原來她就是早前指被側田抽水的天使，大會找來關婉珊（蜜瓜）頂上，她表示一星期前接到經理人通知要擔任美味天使，她說：「我唔知王淑玲被飛，我本身都同佢熟，佢都冇提過被飛。」
據知香蕉被飛的原因，是早前一眾美味天使到澳門拍寫真，監製錢國偉找到陳志雲幫手找來贊助，但香蕉事後於個人網誌指在入住的酒店「被鬼責」，事後陳志雲接到贊助商詐型，繼而要錢國偉飛起香蕉。
採訪：楊潔雯
攝影：陳俊強