去廁所撞正冇廁紙，嗰種痛苦、無奈，真係難以形容，「專業會議」劉秀成噚日在立法會上，質問食衞局局長周一嶽，何解公廁不提供廁紙，指呢種情況「好唔人道」，八方懷疑佢有切膚之痛。
社民連陳偉業則注意到好多公廁冇自動感應水喉頭，以現今標準睇，好唔衞生；周一嶽回答問題時都笑晒，話去廁所冇廁紙真係好唔方便，是否不人道佢唔清楚，佢又指公廁冇廁紙，可能係有人順手牽羊。
為咗防止廁紙被偷，周局長話可以放置超級大卷廁紙在公廁，想撻都冇咁容易。呢個廁所問題引來甚多議員發言，連主席曾鈺成都忍唔住搞爛gag，笑稱好多議員「急市民所急」。