樂基兒（Gaile）、謝婷婷、趙碩之的師妹尹蓁晞（Yumi）和07年港姐季軍周美欣，昨日在apm拖BB行騷。大會又特地用電腦替Gaile和男友黎明製作了混合BB，Gaile雖然笑指BB樣子不像黎明，但卻非常可愛。
謝婷婷、樂基兒和黎明新簽的模王歌慧（Emily）、07港姐季軍周美欣和趙碩之師妹Yumi，昨日在觀塘apm出席Huggies學習褲活動，和BB一同行騷。上次在活動走光露點的Gaile，改着穩陣長袖恤衫，她謂不是有陰影才這樣穿，她說：「今日貼咗成條雙面膠紙，連褲都打埋底，少少性感唔怕囉。」
為黎明新寵壯膽
大會用電腦製作了Gaile和黎明的混合BB，Gaile笑指BB不似黎明，她說：「可能係肚腩，或者肚臍啦，BB個樣好似鬼仔，唔係佢。」她也很照顧男友的新人Emily，陪着她出場行騷壯膽。
至於謝婷婷的「BB」則是她和安志杰的合體，她笑着說不介意：「初時唔知，但係好好笑，佢哋製造嘅BB都好靚。我就冇咁快生，結婚都好長遠。」
Yumi樹林除Bra
全場最博的要數趙碩之師妹Yumi，她以性感小背心和貓女郎造型行騷，不時俯身又自爆半裸拍寫真。
Yumi說：「我啱啱喺海南島拍完寫真返嚟，所以曬黑咗，喺樹林影相時發現有蛇，又狂俾蚊咬。我係着三點式，因為影嘅時候冇乜人，香港又冇咁嘅機會，所以都自發性除低個top，影個背靚啲。」不怕走光蝕底嗎？她說：「我有叫男攝影師擰轉面，同埋助手幫我住。」
採訪：羅慧敏
攝影：彭琮然