無綫電視藝員父女兵鄧英敏與鄧上文，樣子餅印一樣，囡囡Shermon的言行亦甚有爸爸影子，一家人同樣熱衷四出搵好嘢食，媽媽搜集美食情報、爸爸發動組織、囡囡出口支持，搵食格言是︰「唔怕醜、唔戒口、唔怕周圍走！」
記者︰黃家欣
攝影︰譚盈傑
全家出動發掘美味
自言家庭觀念重的鄧英敏，大時大節必定舉行家庭聚會，鄧家更是年年慶祝父親節，今年本打算同敏哥的兄弟姐妹，八個家庭大搞派對，可惜父女臨時接到通告要工作，約會被迫告吹，「做呢行時間唔穩定，都慣了！得閒實有機會再食。」敏哥笑笑口說，卻難掩失望之情。Shermon說自幼稚園起，每年均自製父親節卡，即使在澳洲讀書，亦會以溫馨全家福製作e-card加句「ImissU,Daddy」。今日提早慶祝，Shermon特別於平時愛到的餐廳Okapi以盛宴招呼老爸，逗得敏哥笑逐顏開。Shermon除遺傳了父親的演藝基因，還有饞嘴的性格，鄧家經常四出發掘美味，「早兩日，老婆看雜誌時見有間餐廳幾好，我便打電話約Shermon，到我這個年紀最大興趣就是飲飲食食。」在旁的Shermon即鬼馬插嘴︰「我就黐飲黐食﹗」
你一啖我一啖
好多人都知鄧英敏有「屯門王子」的稱號，但有所不知，鄧家其實十幾年前已遷居西貢，Shermon對市中心一帶的食肆瞭如指掌，平日愛與家人到街邊檔格局的滿泰開餐，到全記食海鮮，今次與父親到開業年多的Okapi，「這裏食正宗歐陸菜，有地道的青口鍋和焗鴨腿，外面少有。」說罷即拿起鴨腿給爸爸試，「未食已聞到香氣，皮香肉滑！」一聽父親的評語，她也忍不住要試一口。父女你一啖我一口，好不溫馨，親密的父女關係，原來自幼開始培養，「雖然爸爸工作忙，但都堅持抽時間陪我和細佬玩，又接送上學，有時更會帶我們到電視城看他工作，我的表演慾可能就從那時萌芽。」入行後，工作時間不穩定，就更珍惜相聚的時間，「加上弟弟在澳洲讀書，真正四個人坐低食飯的機會更難得。」一有空，Shermon都會留在家，甚至親自下廚，
烤焗法國鴨髀$168
鴨髀份量十足，肉質富彈性，火候控制得宜，鴨肉不會韌，鴨皮下更散發一份油香。
煎原條海鰈魚$168
新鮮空運的海鰈魚，魚味濃郁，肉質爽口彈牙，面皮煎得金黃香脆。
大黃蘋果金寶$68
蘋果金寶內加入大黃，入口酸酸甜甜，面層淋上呍呢拿汁後才焗，香氣四溢。
香草白酒忌廉煮青口$168
新鮮青口不經雪藏，配傳統比利時做法，以白酒忌廉湯底來煮，肉質爽甜，湯底清而不膩，酒香濃郁。
Okapi（27915068）
西貢萬年街67號地舖
請老竇食餐好
四人同行阿爸免費
想帶爸爸食餐好，由國際名廚松久信幸主理的NOBU是個好選擇，8道菜晚餐每位$888，包括日本平貝南美式沙律、霜降燒牛肉刺身、海老沙律、燒鱈魚、烤日本佐賀牛扒、帝皇蟹飯、蜆湯及甜品「雪茄與威士忌」，四人同行，父親即免收費。
收費︰每位$888
時間：6pm-11pm
NOBU（23132323）
尖沙嘴梳士巴利道18號香港洲際酒店2樓
食蠔請飲啤酒兼送燒牛肉
CityCafe六月推出「蠔．滋味自助晚餐」，以美國生蠔作食材炮製多款菜式︰煙熏美國生蠔、一口鮮蠔咯嗲杯、芝士菠菜焗蠔、砵酒薑葱焗蠔等。父親節當晚帶爸爸來嘆蠔，啤酒果汁任飲之外，每位爸爸更可獲贈特級燒牛肉一份！
收費︰成人$268、60歲或以上長者$238、4-11歲小童$188
CityCafe（27833287）
九龍窩打老道23號城景國際1樓
