索羅斯接受媒體訪問，坦承98年狙擊港元一役，可惜最後無功而還。惟他直言，當年狙擊港元之行為「合情合法」，投資市場並無所謂「道德」可言，星俠同意此調，認同係市場上之至理名言。
遊牧民族「逐水草而居」，邊度有水源及草料就定居下來，投資市場上之對冲基金亦一樣，邊一瓣有利可圖，對冲基金就會摻一腳，這是它們的逐利天性。呢個係投資者必然會做的行動，衞道之士當然未必同意。然而，當年亞太各國經濟泡沫弱點盡露，點叫對冲基金唔採取行動？
利好消息料反映
因四川地震災後重建需要，成渝高速（107）將是內地IPO重啟後首隻發行A股之股份，受惠有關消息，該股近日強勢畢露，昨逆市升3.6%，收報3.16元，最高曾見3.25元，創出52周高位；不過，升勢雖然勁，但升至高位後卻出現十字星，反映短線有機會見頂，而且今趟升浪已充份反映有關消息，後市調整難免。至於幾時買得？建議等其A股上市後再考慮，暫且戒急用忍。
方星俠