自由黨踏入「北辰中興」階段，黨務發展開始成形，逢星期一9點舉行嘅早禱會盡量風雨不改，以便為未來兩星期內發生嘅政策諗定回應。八方聽聞呢個早祈禱會超級認真，一開開成三個鐘都唔出奇，認真程度不下於禮賓府嗰個。唔少人會帶埋生果出席，一旦開會超時都有個橙或者蘋果醫吓肚。
雖然田二少冇做到任何支部主席，但佢身為黨籍委員會要員，有份負責接見新黨員，邊個係龍邊個係鳳佢都唔可以走漏眼。八方聽聞重新上路嘅自由黨近來都有一啲地區飛來蜢，例如葵青區議員、前港進聯成員雷可畏都悄悄入黨。前黨員「香港太太」龐曹聖玉嘅仔仔龐朝輝亦都入黨，身為醫生嘅佢仲準備喺將軍澳大展拳腳。