方力申同港姐出身嘅林莉一個靚仔一個靚女，走埋一齊會發生乜事？噚日佢兩個首次合作，喺柴灣為三洋手提攝錄機拍廣告，佢哋分別攞住男士同女士款式。今次係小方第三次同產品商合作，佢哋都賣晒口乖話對酬勞好滿意，林莉更透露有高達六位數字酬勞㖭！
既然好人工，林莉都好識做，以一身性感打扮上陣，狂騷長腿，但擺甫士時不慎露出黑色打底褲。小方表示日常會將工作情況拍低放上blog，但私生活片段絕對唔敢。
林莉：模似藝人
舊年陳冠希同鍾欣桐（阿嬌）嘅淫照事件震撼全城，唔知小方係咪驚自己同女友嘅親密照外洩，所以佢話將啲相同記憶卡會鎖入屋企嘅私人夾萬，佢話：「啲相都有以前嘅女朋友，不過你哋唔識。」
林莉擁有34B、24、34勻稱身材，佢話簽咗新經理人，會喺模特兒界發展，對於模湧現，林莉話：「我會向highfashion發展，模喺我心目中似藝人多啲，不過最緊要搵到適合自己嘅路。」
