上禮拜港股反覆上試19000關，最後1個交易日升過上19100樓上，雖然高位有回吐壓力，但最後都有近100點進賬，向上嘅勢可以Keep得住，上周五花旗股市上升，今日港股可以再試19000關。
滙控（005）近排走勢反覆，但轉過頭又逼近70元，呢個位有啲阻力，但係如果衝破咗，就可以推向80元，滙控走勢對恒指可唔可以推向20000關好重要。
中海C輪15972：中國海外（688）上周五報收18元，升4.5%。股價連續兩日大成交炒上，技術上好強勢，向上睇20至22元，可以諗吓隻C輪15972。
隻輪現價61仙，2009年12月21日到期，行使價13.729元，溢價9.7%，引伸波幅78.6%，槓桿率2.9倍，有效2.3倍，正股升上22元，15972有機升5成以上，如果正股跌穿16.50元，就沽咗隻輪止蝕。
俊樺