新聞系二年級學生年年暑假都好忙，因為佢哋要去到唔同傳媒機構實習，喺畢業前攞多啲實戰經驗。其實呢批未來新聞界從業員都係金融海嘯下嘅受害人。八方聽聞，今年唔少傳媒機構大縮水，人就照請，錢就唔畀，最堂而皇之嘅理由就係畀機會你嚟實習嚟學嘢，唔係已經收穫良多？
據聞ATV、《大公報》同《壹週刊》都係呢類希望學生「旨在參與」唔好計較咁多嘅傳媒機構，頂多象徵式畀番啲車馬費同飯費實習生就算，當係大家一齊蝕少少咁啦。
校方對同學仔貼錢打工都唔忍心，據聞浸大新聞系就向冇糧出嘅同學仔喺實習期內每月發放1,000蚊車馬費，等佢哋唔使未搵錢已經荷包大出血。