「我細佬自尊心好強，幾辛苦佢都會自己撐，從來唔會求人，但今次為咗太太殮葬費，佢第一次開口叫我幫手。」旺角小巴車禍中慘死的48歲黃秋玲，其姓譚的大伯昨聲淚俱下地向記者表示：「我細佬係有債必還嘅人，佢結婚15年就還足15年債；如果我哋畀錢過佢做殮葬，佢又要孭呢筆債過下半世。」
譚先生透露，其弟弟譚國成（45歲）前日在旺角車禍現場為弟婦做超渡亡魂法事後，用哽咽的聲音在其耳邊說：「阿哥，我全部存款得幾千蚊，呢場法事用咗千幾；阿哥，你可以借錢畀我做殮葬費嗎？」譚當即一口答應胞弟的請求。
蘋果基金撥善款
譚先生表示，胞弟性格倔強，無論多辛苦都不會向家人申訴或伸手求援，這次慘遭巨禍，他們若出資給胞弟辦理弟婦後事，胞弟下半世必定再被這筆債務纏身，為了讓胞弟不受這無妄之災而再次揹起債務，他們希望社會善心人能幫助其弟弟殮葬妻子。對於譚國成的遭遇，蘋果日報慈善基金將撥備一筆善款，以期助譚國成度過難關。
今到庵堂覓靈位
此外，譚先生補充，其胞弟今日將到紅磡一庵堂為弟婦覓地方用作暫時安放靈位，他說：「佢兩公婆啱啱捱完還債嘅日子，估唔到咁就死咗，我哋真係唔想見到另一個又要孭新債過日子。」
本報記者