「公主女模」諸葛梓岐（Marie）昨日嘗試性感造型，試圖越cup挑戰「日版ParisHilton」椋名凜（Rin），奈何Rin於完場前忽然拉底連身裙陰招搶鏡。問到Marie有否留意菲傭涉嫌謀殺女高官事件，她表示十分關注，現時對傭工十分好，連去夜街也不會過問。
繼Ecup模混戰後，日模勢力亦不可小看，Neway太子爺薛嘉麟有日本血統的女友諸葛梓岐、日版ParisHilton椋名凜，連同留港多年發展的鈴木仁昨日現身銅鑼灣世貿中心行騷，而日本少女時尚雜誌《ViVi》御用人氣模特兒渡邊知夏子則以商場imagegirl身份睇騷，日本通藝人王友良還替她當繙譯。
椋名凜出奇招
Marie昨日面對ECup身材的椋名凜也不怠慢，示範低胸時裝行騷，奈何Rin在完場大合照時刻意拉低上衣出陰招，搶鏡成功。擁有日本血統的Marie表示十分享受與日本模特兒行騷，她說：「佢哋好nice，好可愛，不過自己日文唔好，都係用英文同佢哋溝通，自己搞緊去日本發展。」
工人曾洗爛衫
問到一向富貴有家底的Marie有否留意日前菲籍傭工涉嫌在家謀殺女高官主人，她說：「好驚，所以自己家對工人都會特別好啲，鍾意食乜嘢就食，鍾意做乜就做，工人要出夜街我都會畀佢去，不過我工人個樣生得好善良。」問到Marie曾否責罵工人做錯嘢，她搞笑地說：「佢洗爛我件衫，我冇話佢，反而我自己喊。」
此外，王友良透露有份策劃昨日的活動，他說：「有帶啲日本模特兒過嚟工作，為自己代理時裝品牌行騷。」問到是否與好友關楚耀一齊搞的時裝生意，他表示：「唔係，不過同佢有聯絡，佢喺加拿大練習作曲，同埋之前做咗慈善工作。」問王友良知道關已完全戒掉毒癮，他表示：「冇傾呢個問題。」
採訪：JessicaNgan
攝影：EdwardChou
