今個星期日是父親節，黎耀祥昨日帶同囝囝和老婆到迪士尼和一班單親爸爸及仔女預祝父親節。近日黎耀祥雖然因為「柴九」一角，工作排山倒海，但他堅持一有時間便會陪伴囝囝，囝囝原先打算送上考試成績單作父親節禮物，但因人類豬流感被迫停課而告吹。
因「柴九」一角而人氣急升的黎耀祥，近日工作依然排山倒海，不過他不忘親子樂，昨日祥仔帶同囝囝及老婆到迪士尼樂園，陪同一班單親爸爸及仔女預祝本星期日的父親節，一行人除了看表演外，還即場打波，祥仔一家人又夾手夾腳設計紙扇，玩遊戲之餘加強親子關係。
銀不忘行善
祥仔經常通宵達旦開工，不過他表示會堅持一有時間便陪伴家人，祥仔笑說：「我每日都係familyday，除咗返工之外，我好注重同個仔溝通。今日見到一班單親爸爸要父兼母職，又要出去搵錢，精神壓力真係好大，希望佢哋今日都可以玩得開心啲輕鬆啲。」
父親節當日祥仔亦要工作，記者笑他忙於搵錢，但祥仔表示並非所有工作都是賺錢的，反而部份是義務，希望為外界出一分力。
問到祥仔自覺是否一位好爸爸？他表示：「我會花唔少時間同囝囝溝通，雖然唔少家長話同仔女扮演朋友角色，但我始終都會做番爸爸去教導囝囝，係想佢識尊卑之分，咁佢先識待人接物要有禮貌。」
囝囝禮物落空
問到祥仔囝囝送甚麼禮物給爸爸？他笑說：「我原本諗住送成績單，但因為人類豬流感近日要停課，我仲有試未考，所以結果呢個計劃落空。」
對於政府及有市民投訴迪士尼在幼稚園及小學停課而推出優惠吸引人入場，罔顧市民健康，祥仔認為最重要是大家注重個人衞生，並不是完全躲在家中，況且他覺得樂園衞生安排很好，故相信不是大問題。
採訪：張俊銘
攝影：林德雄
