馮仁昭四圍超：張繼聰禁人摸囝囝 - 馮仁昭

張繼聰同李珊珊噚日去天水圍出席一個攝影講座，身為爸爸嘅張繼聰話想借馮仁昭把口呼籲，因為家豬流感來勢洶洶，希望大家見到佢同囝囝出街，唔好再摸囝囝塊面喎。張繼聰話：「我都知見到可愛小朋友真係好難忍手，但家咁嘅環境，都係衞生少少好。」
囝囝就嚟生日，張繼聰話會送禮物畀老婆謝安琪。