今年金像獎最佳導演許鞍華，前晚同一班影迷喺金鐘一間酒店食完晚飯之後，一齊去戲院睇佢執導嘅《天水圍的日與夜》。最近許鞍華導而優則演，拍咗中國建設銀行嘅廣告，問佢今次演出酬勞好唔好？佢話：「我唔知一般演員嘅收費係點，所以冇得比較，不過我就唔覺自己收得高。」自從得獎後，許鞍華直言容易咗搵投資者，所以佢已計劃開新戲。