早幾個月前，小妹去泰國旅行唔見咗部手機，點知返到嚟claim旅遊保險，claim到今時今日成兩個幾月先攞到賠償，真係好考耐性。
小妹經常都聽說，申索旅遊保險賠償時，保險公司會百般拖延，讓客人嫌麻煩自動放棄。所以小妹做好準備，返香港後打電話畀保險公司查詢，問清楚要提交乜嘢資料同文件。對方話要提供旅遊保險單據、登機證或護照蓋印副本、泰國報案紙正本、手提電話單據正本（如沒有，要提供包裝盒、說明書或充電器）同埋電訊服務供應商書面信，證明你曾要求暫停服務。
小妹頂住條氣按照指示遞交資料，點知之後仲要收到多次保險職員嘅電話，要補交資料，例如初時話有啲單據提供副本就得，後來又話要正本。小妹返到香港之後買咗部新手機，保險公司知道咗又要小妹提供埋部新手機嘅正本單據。
經過兩個幾月電話同文件往來，小妹先收到賠償支票，保險公司係咪有意拖延，自有公論。
電郵：mailto:[email protected]