古巨基將於下月11日在廣州體育館舉行演唱會，昨日他到廣州出席記者會，現場所見，其前公司金牌大風及近日已簽約的英皇均有工作人員陪他到場。基仔解釋今次的演唱會是金牌大風幫他接洽的，他說：「呢個騷係我冇約期間應承金牌同事做嘅，家我就轉咗去英皇，公司都好大方，畀我做呢個騷，之後嘅嘢就由兩間公司去傾番啦。」
或請金牌歌手
問到基仔會否邀請金牌大風或是英皇的歌手擔任嘉賓？他說：「唔好界定係邊一邊，請人做嘉賓都要睇檔期，就算我請金牌嘅人都冇問題，我哋本身已經建立咗感情，即係側田開騷請我都冇問題。」基仔又指初時十分擔心舉行完香港演唱會後，未能再到其他地方作巡迴演出，他說：「今次可以喺廣州開都算係曙光，希望可以去唔同地方畀多啲人睇到呢個騷。」
採訪、攝影：葉雪