近呢年模充斥娛樂界，其中始祖之一嘅「天使得得B」發展得相當唔錯，仲話去日本發展㖭，準備進軍演藝界大展拳腳。近日有傳得得B搭上混血男模，所以同「雷霆救兵」分手，由於講到似層層咁，所以唔少人以為佢哋散咗。
男模有女友
點知前幾晚，關仁喺銅鑼灣嘅便利店見到混血男模同另一個女模買嘢，男模從後攬住女模錫咗佢條頸一啖，畀錢時女模又拍打混血男模嘅patpat，擺明係熱戀中嘅男女啦。關仁覺得得得B同雷霆救兵分手只係借個靚仔嚟放煙幕，轉玩地下情唔好妨礙佢哋嘅事業發展，不過要咁樣做戲，真係幾辛苦。
Textby關仁
