無綫新一屆港姐正進行得如火如荼，佳麗也陸續被起底，其中現年23歲的「油浸梁安琪」1號曾曦寧（Hilaire），暫時以是非先聲奪人。一直盛傳曾曦寧有副機師男友撐腰，身上名牌不絕，但昨日有讀者爆料指曾曦寧其實在07年已與港龍機師Kevin結婚，二人關係傳遍公司上下，未知無綫可會徹查曾曦寧背景？
將於8月22日在紅館進行決賽的新一屆香港小姐，佳麗未埋身肉搏，卻先行被起底，其中是非不絕的「油浸梁安琪」1號曾曦寧（Hilaire），報稱任職艙務長，繼早前被爆為人貪慕虛榮愛名牌外，又被同事數臭態度囂張，本報昨日又接獲兩位讀者電郵，繼續狂插。
累同事收警告信
有傳Hilaire有副機師男友，她不時扭男友買名牌，但昨日有男讀者報料，他在電郵中說：「Hilaire其實07年同一名港龍機師Kevin結婚，呢樣嘢全港龍都知，唔明點解佢都可以入選，佢個人態度好差，成日搵同事笨，試過自己亂調更，連累同事收公司警告信。」該名男讀者表示稍後會搜集更多的婚照提供，務必揭開她的假面具。
自稱港龍空姐的阿May也不忿Hilaire平日的所作所為，爆料說：「Hilaire個副機師男友視佢為公主，所以佢喺公司都有公主稱號。佢最鍾意戴名錶同一卡鑽戒返工，如果被編入經濟艙，佢又會將啲嘢推畀junior（初級）同事做。」May指平時Hilaire對同事黑口黑面，但近日在報上見到她面對鏡頭的笑容，着實非常罕有，May表示同事都希望她參選後不再返回航空公司工作。
未定張舒雅生死
另外，由吳君如提名的「娘版黎淑賢」9號袁嘉敏與「女版許愿」2號林潔瑜前晚在電視廣播城會見完傳媒後，一同乘港鐵到北角，並結伴到一幢大廈，問二人是否同居？「女版許愿」即笑笑口說：「唔係，我哋有密偈傾啫，呢度係我屋企。」
吳君如昨日在無綫錄影節目《星星同學會》，提到她提名的袁嘉敏是陳可辛秘書，也是她半個助手。對於今屆佳麗質素差，但君如力撐袁嘉敏樣子與身材都不錯，問到可有向袁嘉敏教路，君如說：「提佢最緊要聽話，唔好未紅先囂。」
此外，陳志雲昨日在尖沙嘴錄影《志雲飯局》時，談到今年港姐的質素低，陳志雲說：「我未真正見過佢哋，但係我覺得唔係咁差，始終佢哋未識點樣扮靚，不過見到啲報道咁講，我都會搵時間同佢哋見面。」至於有指張舒雅撈加冕一事，陳志雲則說：「佢最近都冇sendemail畀我哋，對上一次已經係六個星期前，結果係點要開會先知，家兩邊意見都有。」
採訪：張俊銘、王崇穎、林妃
攝影：陳俊強
各位讀者如果認識十位入圍港姐，知道她們的底細，歡迎電郵mailto:[email protected]報料。
