黃家強同黃貫中噚日到美孚宣傳演唱會，對於家駒嘅墳墓被惡意破壞，家強話知道陳百強（Danny）嘅墓碑都俾人髹黑漆油，佢話：「因為雲石公司除咗接到我order，仲接到陳百強屋企人order，件事發生後我報警，對方可能怕我搵到佢，所以想混淆視聽。」家強仲話為免新馬師曾祥哥被騷擾，佢打過電話畀兆尊，黃貫中講笑話：「叫兆尊或祥嫂裝個天眼，監察祥哥個墳。」