梁洛施替男友李澤楷誕下囝囝李長治後，無意復出娛樂圈再次拍戲，令不少欣賞她的導演大嘆可惜。早年Isabella曾跟詹瑞文（詹Sir）學戲，對於愛徒寧願全職湊仔，詹Sir昨日在商台宣傳下月公演的棟篤笑舞台劇《笑林十八窮人唱GAG會》時，他說：「家呢個時候，佢留喺屋企湊BB都重要，但將來嘅嘢，將來先算。」
鼓勵愛徒多生育
詹Sir下月公演的舞台劇，當中有一個環節名為「打開Isabella變做Cinderella之謎」，內容以Isabella的新聞做骨幹。他表示是閱報後才知Isabella已為人母，為愛徒十分開心，還選定了禮物送給BB。問到他可會建議Isabella繼續生育時，他說：「生到梗係生，對小朋友成長好啲，兩、三個就OK，但人哋計劃唔到我講，Mr.Lee（李澤楷）會去計劃。」
談到Isabella當年學戲的情況時，詹Sir說：「佢係一個好有天份嘅女仔，佢學戲好易上手，記得佢曾經講過熱愛電影，但以前嘅戲路都係由公司揀，假如將來佢自己開公司，佢自己可以揀自己嘅戲路，出嚟發揮可能更大。」
採訪、攝影：馬建華